LYKKJUMERKI!

Þar sem öll lykkjumerkin mín seldust upp fyrir jólin ákvað ég um helgina að gera nokkur ný. Þau eru til sölu, pokinn kostar 500kr.

 

mynd 1 Bambusperlur og brúnar perlur SELD 

mynd 2 Ljósblára stjörnur og rauður hringur

Mynd 3 Rauðar og glærar perlur

Mynd 4 appelsínugular og hvítar perlur

Mynd 5 Ljósbláar og lillabláar perlur  SELD

Mynd 6 Ljósblágrænar stjörnur og blár hringur

Mynd 7 Bambusperla og brúnar perlur.

Ef þú vilt poka með lykkjumerkjum þá er best að senda mér e-mail á [e-mail] og tilgreina mynd 1-7 hvaða mynd þér líst best á!

 

Læt þetta duga í bili.

Kv

BErglind

Andinn.......

Já núna held ég að andinn sé að koma yfir mig.

Ég er LOKSINS búin með 3ju fram og til baka peysuna sem ég er búin að vera að gera síðan í september. Hún kemur hér:

Svo gerði ég jólagjafir fyrir frænku mína. 

 

Svo læt ég hér fylgja eina mynd af peysu sem ég kláraði í sumar (fyrsta fram og til baka peysan af þremur í röð).

Þá eru myndirnar búnar í bili. 

Núna er ég að prjóna nokkur leyniverkefni sem verða ekki gerð opinber fyrr en í Apríl!!! Þannig að þið verðið bara að bíða þolinmóð þangað til þá!!

kv

Berglind

GLEÐILEG JÓL

ÉG VIL ÓSKA YKKUR ÖLLUM GLEÐILEGRA JÓLA OG FARSÆLDAR Á KOMANDI ÁRI.

PRJÓNAKVEÐJA

BERGLIND

LOKSINS

Góðan dagÞá er mín vöknuð af værum prjónablundi. Hann var frekar langur, en góður.Núna hef ég verið að prjóna jólagjafir og reyna að staulast áfram með peysuna góðu. Á eftir eina ermi og listann að framan. Þetta verk hefur tekið tímana tvenna!!!

Hér koma nokkrar myndir af því sem ég hef verið að gera en ekki sýnt.  

Þetta er peysa úr nýjustu bók Helgu Isager. Hún er prjónuð FRAM og til BAKA, mjög skemmtilegt!

 

 

Hér eru Grifflur úr sömu bók. Gerðar úr isagergarni.

 

Hér eru helklaðir vettlingar. Úr 2földu einbandi. Mjög fljótlegir og skemmtilegtir.

Þetta er það sem ég gerði fyrir jólagjafatörnina. Læt þær myndir eftir jólin!

kv

Berglind 

Leti Leti Leti.

Góðan dag.

 Ég ætla núna að setja inn nokkrar myndir, en ég get nú ekki státað af mikilli framtakssemi í prjónaskapnum mínum.

Núna þessa dagana er ég að gera 3ju "framogtilbaka" peysuna (fullorðins) og þess vegna gengur myndaskapurinn frekar hægt. Læt hér fylgja nokkrar myndir sem ég hef ekki birt.

 

 

Þetta er Little sister Dress prjónað úr einbandi og UNGI prjónað úr einföldum plötulopa. Þetta sett sendi ég til Danmerkur til lítillar frænku, Isold Rán.

 

 

Ætlaði að setja nokkur lykkjumerki inn, en...... netið er svo lengi að ég set þær bara inn síðar.

kv

Berglind 

Fyrsti pakkinn af sumarmyndum!

Í byrjun sumars fór ég á námskeið hjá Helgu Isager, dönskum prjónahönnuði. Þetta er afrakstur námskeiðsins. Gerði eina húfu sem ég reiknaði út stærð og annað. Alveg ágætis húfa úr léttlopa og einbandi. 

 

 

RIDDARI er peysa sem ég gerði á eiginmanninn. Hann er búinn að bíða í 1 ár eftir sinni. Þannig að ég ákvað að skella í eina slíka, því ég þurfti að kaupa lopa í peysu fyrir systur hans. Sem er hér að neðan. Sú peysa heitir VAR. Þetta eru fyrstu brúnu peysurnar sem ég geri og fyrsti brúni lopinn sem ég kaupi. 

 

 

Þessar húfur gerði ég úr garni sem ég átti af lagernum. Þær ætla ég annað hvort að selja eða gefa. Eins er það með sokkaskóna. Þetta er gert úr garni af lagernum. En bláu og grænu skóna gerði ég úr garni sem ég litaði sjál. Þetta er lanett baby ull, var áður ljósgul og ljósgræn. 

 

 

 

Hér er svo ponsjó eftir Lotte Kjær, danskur prjónahönnuður sem kom í Nálina fyrir ári síðan. Ég gerði þetta úr garni frá garn.is (mohair) og garnbudin.is (spírall minnir mig að það heiti).

 

Svo á ég myndir af gjöf sem ég gerði. Læt þær með næst því þá er ég búin að gefa gjöfina.

 

Þangað til næst. Sjáumst.

Berglind 

Engar myndir.

Góðan dag.

 

Núna er ég komin í smá sumarfrí frá síðunni. Ég hef verið að prjóna það sem af er sumri en ég hef bara ekki tekið myndir af því.

ÉG ætla að safna afrakstri sumarsins saman og skrá í einni færslu þegar líður á sumar.

Hafið það sem allra best í sumar og vonandi náið þið að prjóna mikið í sumarfríinu!

SUMARKVEÐJA

Berglind

 

Nýtt og gamalt.

 

Ég kláraði ermar í gærkvöldi. Þær eru úr lillabláum mohair, alveg geggjaður litur. Ég notaði glitþráð í allt slétta prjónið en bara mohair í stroffið.

 

Uppskriftin af þessum ermum er að finna á Knitty.com

http://knitty.com/ISSUEfall05/PATTlacey.html

 

Svo kemur hér lopapeysan mín. Í tilefni af nýju plötulopa litunum þá verð ég að setja hana inn hérna. Ég prjónaði hana í janúar og gleymdi alltaf að setja hana hér. Þar sem ég dái allt Turkis þá langði mig í einfalda lopapeysu með turkis. Þá var hann ekki til í plötulopa, né léttlopa. Þannig að ég notaði tvöfaldan mohair. Munstrið er prjónað úr tvöföldum kitten mohair. Það er jafn þykkt og tvöfaldur plötulopi! En mikið er ég ánægð með Ístex núna að koma með marga af mínum uppáhalds litum í sumar! 

 

Hafið það sem allra best.

Kv

Berglind 

Að merkja myndir.

Góðan dag
Núna leita ég til ykkar kæru lesendur.
Kann einhver ykkar að merkja myndir????
Ef þú kannt það viltu þá senda mér leiðbeiningar á póstinn minn, [e-mail]

KV
Berglind

Eitt klár í kvöld.

Ég kláraði eina bómullarpeysu í kvöld. Núna er bara spurning hvort hún er nógu stór á eigandann!

http://www.petitepurls.com/Spring10/spring2010_ppinkorchard.html Hér er uppskriftin.

Kveðja

Berglind