Enn og aftur sunnudagur.

Góðan dag. Hér skín sólin skært en það er ekta gluggaveður. Prjónavikan var viðburðarík. Ég er búin að vera að hugsa hvort ég eigi að gera kant á bútateppið og þá hvernig kant. Yfirleitt geri ég takkakant á teppin sem ég geri en ég er eitthvað í vafa með þetta. Svo er ég búin að klippa upp leyniverkefnið og er að gera kant, en núna er ég komin á það stig að ég get ekki sýnt fleiri myndir af peysunni. Núna er bara að bíða eftir bókinni. En ég er allavegana ekki alveg búin með hana. Heimsljósið tosaðist áfram í vikunni. Ég kláraði annan vænginn og var langt komin með hinn þegar ég. ............. Rakti hana upp!!! Þannig að núna ætla ég bara að prjóna mér einfalda lopapeysu úr léttlopa og mohair, núna auglýsi ég eftir uppskrift, einhverjar hugmyndir????? Ég verð að hafa eitthvað verkefni með leyniverkefninu þannig að ég ætla að gera peysu á snúlluna mína.Læt þetta duga í bili.Kv. Bh

Sunnudagsmorgunn.

Góðan dag.Ennþá tosast leyniverkefnið áfram. Ég var með það markmið að klára verkefnið í vikunni, en þar sem ég held að það er smá vitleysa í munstrinu þá þurfti ég að leggja verkefnið til hliðar og spurja hönnuðinn. Hann á eftir að svara mér. Bútateppið kláraði ég. Það eru 90 bútar í því. Èg á reyndar eftir að hekla kantinn og ganga frá endum. Þeir eru nokkrir. Ég á 20 búta eftir og ætla ég að búa til lítið dúkkuteppi úr þeim. Er þegar byrjuð á því. Þetta verkefni nota ég þegar ég get ekki verið að telja út munstur og gera eitthvað krefjandi. Það er sérstaklega þegar ég er að gera allt, vera í tölvunni, elda matinn og sinna krökkunum.Annars hef ég nú bara prjónað nokkrar umferðir í Heimsljósinu, það er líka svona verkefni þar sem ég þarf ekkert að hugsa og geri þegar ég get.Læt þetta duga í bili, takk fyrir kvittin, megið endilega kvitta, það er svo gaman.Kv. Ber

nd

Sunnudagsmorgunn og leyniverkefnið.

Góðan dag.Núna er enn og aftur sunnudagsmorgunn, mér finnst vikurnar líða alveg ótrúlega hratt. Alltaf mánudagur og föstudagur. Það sem ég hef náð að prjóna í vikunni er aðalega í leyniverkefninu. Èg kláraði ermarnar og er komin með hálfan búk. Þetta er ein skemmtilegasta lopapeysa sem ég hef gert, afþví það eru svo margir skemmtilegir "fídusar" í henni. Èg tek ekki myndir af þeim, ég sýni þá þegar ég má! En leyniverkefnið er ekki það eina sem ég er með á prjónunum. Èg er líka að gera Heimsljós, breyti bara aðeins uppskriftinni. Ég prjóna hana "að ofan og niður" og hef ekkert munstur. Ég prjóna hana úr léttlopa og einum þræði af mohair sem ég keypti um daginn í Milano. Svo er ég líka að hekla dúllur saman og gera teppi. Þannig er að dúllurnar (120stk) gerði ég þegar ég bjó í Reykjavík og var í menntaskóla. Þá kunni ég að gera dúllur en ekki setja þær saman í teppi. Það er nú með þetta eins og svo margt annað, hugurinn ber mann hálfa leið og svo... Er maður stundum stopp. En dúllurnar eru semsagt búnar að liggja í dvala í allmörg ár. En ég fann þær aftur í mars og fór þá að hekla þær saman. Núna er ég komin með 70 dúllur. Filippía fær þetta teppi þegar það er tilbúið. Læt þetta duga þennan morguninn. Endilega kvittið eða sendið mér smá línu í tölvupósti ef þið lesið þetta. Ég er alveg til í að vita hvort það er einhver sem er að fylgjast með hér. Kv. BH.

 

Sunnudagsmorgunn, leyniverkefni og prinsessan á heimilinu.

Hér á heimilinu er alltaf nóg að gera. Það er margt sem bíður útivinnandi húsmóður þegar hún kemur heim. Prinsessan á heimilinu bíður alltaf hress og kát eftir að hitta mömmu sína. Læt eina mynd fylgja af henni. Hún er nú mjög dugleg að leika sér, sem betur fer. Því þá gefst smá tími fyrir prjónaskapinn. Núna er ég að vinna að smá leyniverkefni. Þetta er lopapeysa, ég er að prufa uppskriftina fyrir hönnuð hennar og verður uppskriftin í óútkominni bók. Þegar bókin er komin út þá má ég sýna hana en ekki fyrr. Èg læt hér eina mynd fylgja af erminni. Ég er lika búin að opna facebooksíðu með því prjónadóti sem ég hef til sölu. Síðan heitir úr smiðju Berglindar, endilega kíkið og deilið. Ég mun jafnt og þétt setja þangað inn ef ég hef eitthvað til sölu. Ég var reyndar að klára sérpöntun sem er á leiðinni til Danmerkur í vikunni. Hér kemur mynd af því lika. Læt.þetta ekki vera lengra í bili. Kveðja BH.

Prinsessan orðin 1árs.

Þá er prinsessan á heimilinu orðin 1árs. Eitthvað hefur verið prjónað á hana á árinu. Hér kemur smásynishorn.

 

 

 

 

 

 

 

 

 

 

Peysaner gerð úr kambgarni. ÉG studdist við uppskriftina húsdyrin sem er i kambgarnsbók, en gerði annað munstur.

Svo hef ég gert nokkrar svona húfur á Filippíu. En þessar eru til sölu þær eru gerðar úr kambgarni og passa a 1-1 1/5 árs. Þær stækka með barninu.

 

Hvernig er þetta með mann......

....... ég er nú ekki hætt að prjóna og hvað þá hætt með þessa síðu. Málið er að ég finn ekki snúruna fyrir myndavélina mína þannig að ég get ekki sett myndir inn á síðuna.

ÉG hef nú prjónað ýmislegt síðan um jól. ÉG er búin með nokkrar húfur, trefil og er núna að gera 2 kambgarnspeysur á 2 litlar skvísur. 

Það er búin að taka mynd af öllu sem tilbúið er ... en ég set myndir inn við fyrsta tækifæri.

Þið sem fylgist ennþá með þessu bloggi.... hvað eru þið að prjóna???

kv

Berglind

Ný prjónasíða.

ÉG verð nú að misnota aðstöðu mína og láta ykkur vita af einni frábærri prjónasíðu, www.prjonakistan.is þarna eru uppskriftir til sölu og einnig blog sem hún Tína sér um. Það er sérstaklega gaman að fylgjast með blogginu.

Kíkið endilega á þetta. 

Kveðja

Berglind

GLEÐILEGT NÝTT ÁR.

HÆ öllsömul.

ÉG verð nú að viðurkenna að ég hef ekki verið sú duglegasta að setja myndir hér inn eða skrifa. En ... ég hef ágætis afsökun fyrir því. Þar sem lítil snúlla er komin á heimilið og mamman hefur ekki haft eins mikinn tíma fyrir tölvuna þá fara hlutirnir svona. ÉG er nú alltaf með eitthvað á prjónunum en.. mis skemmtilegt þó og mis áhugavert. Það fóru nokkrar prjónaðar jólagjafir frá mér í pakkana þetta árið, ég vona að öllum hafi líkað það.

ÉG gerði meðal annars, 2 lopapeysur, 1 lopavesti, 1 bómullarpeysu, 1 stúkur, 1 hekluð sería, nokkur hekluð snjókorn og jólaskraut og 1 heklaðir vettlingar svo eitthvað sé nefnt.

Þetta er uppskrift úr Prjónakistunni. Mjög gaman að gera þetta. ÉG setti silfurþráð í hvítagarnið. Kom mjög vel út.

Þetta prjónaði ég úr Höjland garni frá Isager. Stúkurnar eru hönnun frá Helgu Isager.

Peysan Fés fór í jólapakkann til Danmerkur. Sæt "unglingapeysa".

Prjónakveðja

Berglind

 

Myndir

Góðan og blessaðan daginn!

Ef einhver er ennþá að fylgjast með þessu bloggi þá vil ég afsaka blogletina!!! ÉG er að safna í jólagjafir og get því ekk sýnt allt hér, allavegana ekki fyrir jól, en hér er svona hitt og þetta. Afmælisgjafir og svoleiðis. 

Það koma fleiri myndir inn bráðlega. 

kv

Berglind

Nýja myndir af hinu og þessu sem ég er búin að gera í orlofinu!

Þessa húfu gerði ég úr afgang frá peysu á eiginmanninn. (ég á eftir að taka mynd af henni, hún er alltaf í notkun). Þetta er álafosslopi.

Fyrst gerði ég neðri kjólinn, hann er í Ýr blaði sem ég á. Svo fann ég svo fallegan lit af sisu að ég gerði annan kjól. Hann er sama uppskrift (lykkjufjöldi og lengd) en ég breytti honum eftir mínu höfði.

Finnst hann koma bara vel út.

Þar sem ég á alveg gobíu af bómullargarni ákvað ég að gera nokkra smekki úr því. Maður getur víst alltaf notað þá eða gefið. 

 

N'og af þessu í bili.

kveðja

Berglind