Sitt lítið af hverju.

Halló.

Ég fór á prjónakaffi í Gömlu-Borg á þriðjudaginn var. Það var mjög gaman. Held að það hafi ca 50-60 konur verið mættar og mikið prjónað. Helga Jóna úr Nálinni var með kynningu á Kauni garni og svo var hún Ragga með kynningu á Prjóni prjón. Skemmtileg bók sem gaman er að kíkja á.

ÉG er byrjuð á Prinsateppinu (Kongeriget er það kallað). Er búin með miðjuna og er að fara í innrikantinn. Það verður gaman að sjá hvernig þetta kemur út. ÉG er að prjóna úr silkigarni sem heitir Silkbloom Fino er 45% morbærsilki og 55% super soft merinoull. Mjög gott að prjóna úr þessu garni.

Svo var ég að klára sokka sem ég gerði, 2 á einn hringprjón. Það var gaman að rifja upp aðferðina. Hér koma svo myndir af herlegheitunum.

Það var á föstudaginn sem mamma kom með poka handa mér. Í honum var bók! Frá nágrannakonu mömmu og pabba ( og mín þegar ég bjó heima). Hún veit að ég prjóna mikið og hún átti eina skemmtilega prjónabók í sinni hillu! Og ákvað að gefa mér hana!! ÉG átti nú varla til orð! Þetta var alveg ÆÐISLEGT. ÉG segi nú bara TAKK UNNUR FYRIR MIG. Hér koma nokkrar myndir úr bókinni.

Læt þetta duga í bili.

Kveðja

Berglind

Athugasemdir

[Matthilda M. Eyvindsd Tórshamar, 9.2.2009 kl. 18:27]

Þess vegna var svona lítið úrval af Kauni í Nálini, þegar ég komst loksins þangað. Keypti samt þrjár dokkur.

[Berglind Haf (IP-tala skráð) 9.2.2009 kl. 19:36]

Já einimtt. Maður verður að vera á réttum stað og á réttum tíma!!! Svo verður hún á Selfossi núna á mánudagskvöldið! Þá verður hægt að kaupa Kauni milli 18 og 18:45!

Það er bara æðislegt að prjóna úr þessu garni!

kv

Berglind

[Anna Ingad. (IP-tala skráð) 20.2.2009 kl. 11:06]

Ég er nú ekki sú duglegasta að kvitta, en ég er dugleg að kíkja hérna inn á síðuna þína. Þú ert ekkert smá dugleg. Fæ eldmóð frá þér í prjónaskapnum, prjónaði vesti á dúlluna mína á innan við viku, sem er nú met hjá mér.

Hlakka til að sjá fleiri afurðir

kv. frá Danmörku

Anna