Að prjóna 2 hluti á einn hringprjón!!!!

Hér er auglýsing fyrir námskeiði sem ég er að standa fyrir á Selfossi.

www.prjonakona.com kynnir Prjónanámskeið í Tryggvaskála miðvikudagskvöldið 3. og 10.

september 2008. Um er að ræða námskeið sem kennt hefur verið í Hannyrðaversluninni Nálinni við

góðar viðtökur. Kennari er Elín Einarsdóttir.

Tveir hlutir prjónaðir á einn hringprjón

Kennt verður í 2 skipti, 2 tímar í senn með viku millibili, og er prufustykkið

sokkar sem prjónaðir eru frá tánni og upp.

Í fyrri tímanum verður farið yfir hinar ýmsu aðferðir til að byrja að prjóna

tvo hluti á einn langan hringprjón, meðal annars aðferð til að byrja að prjóna

sokka eða vettlinga og byrja frá tánni/fingrunum og enda á stroffinu. Með

þessari aðferð þarf ekki að sauma neitt saman, bara fela endana.

Í seinni tímanum verður farið yfir það hvernig snúa skal hælnum auk þess

sem farið verður yfir allar spurningar og vandamál, ef einhver, sem komið

hafa upp frá fyrri tímanum. Mjög þægilegt er að nota þessa aðferð til að

prjóna sokka og vettlinga, handstúkur og jafnvel ermar - en með því að

prjóna báða hluti í einu losnarðu við það sem kallað hefur verið "seinnisokka-

syndrómið", þ.e. að seinni sokkurinn er annað hvort ekki prjónaður

eða endar nokkuð ólíkur þeim fyrri. Báðir hlutirnir eru prjónaðir eins,

umferð fyrir umferð og tilfinningin er jafnvel sú að það gangi fljótar að

prjóna því báðir hlutirnir eru tilbúnir á sama tíma.

Notast er við 80 cm eða lengri hringprjón nr. 4, sem þátttakendur koma

sjálfir með, eða kaupa á staðnum. Garn í prufustykkið er innifalið.

Í boði eru tvö námskeið, það fyrra kl 18:00 til 20:00 3. og 10. september og það seinna kl 20:15 til

22:15 3. og 10. september. Eins og áður hefur komið fram eru þetta tvö kvöld með viku millibili.

Skráning fer fram í gegnum tölvupóst: [e-mail] og kostar námskeiðið 5.500kr

Kveðja,

Elín E.

 

Ef þið lesendur góðir langar til að læra þessa tækni, endilega skrá sig.

 

KVEÐJA

BERGLIND

Athugasemdir

[Sonja (IP-tala skráð) 18.8.2008 kl. 15:17]

Gott framtak. Mér finnst þetta gott verð á prjónanámskeiði.

[Soffía Valdimarsdóttir, 27.8.2008 kl. 13:23]

Hef ekki aðgang að póstkerfinu mínu í augnablikinu. Get ég fengið símanúmer til að skrá tvær í seinni tímann 8:15?

Kv. Soffía

[Íris Arnardóttir (IP-tala skráð) 3.10.2008 kl. 21:19]

ég er búin að baksa lengi við að reyna að læra að prjóna sokka (er skelfilegur ullasokkafíkill), en þetta heppnast svona misilla hjá mér.

mig myndi svo mikið langa að læra að prjóna frá tá og uppúr en ég bý í bænum, ekki væri séns að þú værir svo sæt í þér að senda mér uppskrift sem ég reyni að krafla mig framúr (á netfangið [e-mail])

kær kveðja og takk fyrir síðuna þína